ثاني يوم في كوريا - 20/10/2012

اليوم الثاني

حفلة الذكرى السابعة لـ ترسيم السوبر جونير 

الطريق : محطة يوكسام - محطة شين دانق (تغيير مسار) - جامعة كوريا 

رحنا عن طريق الميترو من محطة يوكسام الى محطة جامعة كان الطريق طويل بس مو مهم اهم شي نشوف السوجو

وصلنا الجامعة

 ضعنا

 بس ماشاء الله الجامعة تفتح النفس مو جامعة الا مدينة بحالها

غير الحدايق اللي تفتح النفس والشكل المعماري

بس يوم وصلنا ماعرفنا كيف نوصل للمكان اللي فيه السوجو

سالنا وحدة من الطالبات كان شكلها تحفة

 ابوي قال هاا اول شي خليها تزبط شرابها بعدين تعلمكم ههههههههههه

 قلنا لها وين مقر الحفل ماكانت تدري انه السوجو بيأدون هنا قالت غريبة ان صاحبتها الفية وماتدري عن الحفل

اتصلت عليها وماردت بعدها قالت انتم متأكدين انهم راح يسون الحفل هنا ؟؟!

وريتها الموقع وعرفت اسم القاعة بس ماهي عارفة وين بالضبط !! ماتنلام من كبر الجامعة >_<

انا هنا تقفلت في وجهي قلت لااااااااااااااااااا مستحيل ماراح اشوفهم يعني وش ذا؟!!!

 اهم شي في هالموقف كانت تعرف تتكلم انقلش 

يعني كان في سهولة في التواصل شوي 

المهم راحت يمين يسار

 نادت صحباتها وامها وابوها كانوا ينتظرونها

وشافت خريطة الجامعة وراحت لها وطلع القاعة في اعلى الجبل للجامعة قالت

 صعب تطلعون بعدين شافنا واحد كان عايش بقطر سألنا من وين قلنا من السعودية

 قال انا عشت بقطر قلت طيب بس وين القاعة كيف نوصلها؟؟! همي الوحيد الحين

 قال بالباص بس اليوم سبت اجازة مافي باصات يا تمشون ولا بتاكسي

 وقال لنا اسم القاعة بالانقلش Tiger Dome بالخط العريض مكتوب راح تعرفونه لما تشوفونه

طبعاً ولا تاكسي كان يوقف لنا فقلنا يلا نمشي وش ورانا اهم شي نوصل للمكان الصح

واحنا نطلع كنا نستمتع بالجامعة من جد تفتح النفس ليت عندنا مثلها ولو جزء منها وغير ماشاء الله كان هالوقت اجازة وهي مليانه من الطلاب والطالبات <---- ماينلامون والله

وفي نص الطريق نشوف يايابانيتين طالعين ومعهم اشياء تشجيعية للسوجو قلت ياااحظهم وين نلاقي المهم جداااااااااااااااااا تعبنا في الطلعة

وطلعنا طلعنا طلعنا طلعنا

وربي مرررررررررره تعبنا ووصلنا مكان قلنا لسه باااقي

 ونكمل نطلع نطلع نطلع نطلع وبعدها

وصلنا مكان هنا ماقدرنا قلنا وين ماشفنا لا تايقر ولا كااااات وش نسوي ؟!!

سألنا وحدة قالت كملوا ابوي قال شكلها تمشينا لحظة خلينا نسأل وسألنا واحد ثاني قال لا انزلوا وش مطلعكم هنا

أنا هنا بغيت ابكيييييي وش ذا وين ذي القاعة ماصارت

المهم ابوي شاف تاكسي وخلانا نركب ووراه الورقة اللي مكتوب فيها اسم القاعة ونزلنا طلع صح اننا ننزل

اثرنا تعديناه بس ماشفنا تايقر دووم ما ادري وقتها وش كان فينا بس ماننلام وربي من التعب المهم وصلنا التاكسي لمكان القاعة

واحنا طالعين من التاكسي نشوف الالفياااااااااااااااااااااااااااات قدام عيوناا الى الان مو مستوعبة

ونشوف الحراس حقين السوبر شووو تعرفون هذاك اللي طلع في وي قت ميريد يوم تيكي سواا العرض في السوبر شو ل سورا ويوم نزلها مو كان فيه واحد يوريهم الطريق ايييييييييييييييه هذاااك شفناااااه

وكانوا يناظروننا وكأنهم يقولون واااه السوبر جونير وصلت شهرتهم لهالدرجة

 قمت مسكته وسألته التيكيت اووودي يو ؟؟؟

 قام اشرر لي هناااك ونروح نطلع الدرج وقعدنا ننتظر قابلنا ماليزيات وسولفنا معهم طبعا ابوي شاف كفتيريا هناك راح وقعد فيها يشرب عصير

 ماعندهم لا كوفي ولا تي والاكل كان بيبيماب وراميون بس المهم جاء الظهر واحنا ميتين جووع وطبعا مستحيل ننزل اللي طلعنا ونرجع قلنا مافي الا ذولي انا وبابتي اكلنا بيبيمباب بدون لحم بس خضار والبنات طلبوا راميون

المهم راعية المحل بس كل شوي تمر علينا وتقول لا بغيتوا اي شي نادوني وتقلب لنا الاكل تقول كذا كذا واذا  خلص مخلل الفجل قولي لي ازيدكم هههههههههههههه متوصية فينا

المهم ماكان البيبيمباب ذاك الزود بس الجيعان ياكل اي شي

المهم قاموا يقولون يلا اصطفوا واللي ما اشترى يوقف في الصف وقفنا في الصف بس ابوي قاعد في الكفتيريا ينتظر واحنا واقفين في الصف ننتظر

 كانوا فيه بنات يبيعون جريدة الهاي كت اللي طلعوا فيها السوجو كانت جايبتها طلبيات واحنا قلنا نبي ثنتين بس قالت ماينفع هذي مو للبيع جايبتها لناس طالبينها بالتويتر المهم راحت تلف تلف وتنادي عليهم محد رد قامت اعطتنا ثنتين منها وطبعااا جداً حلوه 

وجميييييييلة  وبعد اشترينا العصي المضيئة

بعد ماجلسنا ننتظر في الصف جاء دورنا عشان نشتري التذاكر عاد بابا يوم شافنا جاء عندنا ماخذها على الجاهز هههههههه

 المهم طلعت لها صورة من جواز السفر قالت لي لا ابغى الاصل قلت لها ماجبناها لانه يوم قريت في الطلبات ع النت في الموقع كانو كاتبين صورة من جواز السفر بس بعدها قالت لي طيب المرة الثانية جيبي جواز السفر <--- مرررره حلو كلامها ان شاء الله مرة ثانية وثالثة ورااابعة ومية مرررة بعد ^_^

دفعنا قيمة التذاكر لأربعة اشخاص ولبسونا الاسوار اللي هي التذاكر حتى بابتي لبسوووه شكله مررره حلو

واعطونا ورقة فيها نكتب فيها اسامينا وارقامنا

وكان فيه صندوقين وحدة عليها صورة هيوكي ومكتوب الفريق القبيح

والصندوق الثاني صورة شيون ومكتوب الفريق الوسيم

طبعا احنا كلنا صوتنا لـ هيوكي

مو كرهاً في شيون بس المسمى يحزن على هيوكي

المهم انتظرنا وانتظرنا وانتظرنا

 وقالوا صفوا صف بالارقام ومطرت الدنيا علينا وتشاركنا بالمظلات والين الساعة 6 المساء واحنا برا ما بعد دخلنا

 والمفروض الحفل يبدأ في هالوقت وربي

على بالي بدأو واحنا مابعد دخلنا بس نشوف الالفيات الكوريات يكلمون صحباتهم ويقولون لا لسه مابدأ

 المهم دخلن على الساعة 7 ونص وجلسنا طبعا كان المكان مرررة مليان وكان فيه مكان فاضي في الجهة الثانية قلت لهم نروح قالوا لا تعالي من هنا المهم يوم شفت بنات يركضون له قلت خلاص ماراح يمدينا ورحنا للمكان اللي لقيناه

ترى المكان اللي جلسنا فيه مو مرررة بعيييد بس في الصور واضح كأنه بعيد 

ترتيب الجلسة وانا اكثر وحدة استفااادت من هالشي اصيييح واخق واستاانس وابكي ولا احد ينتبه لي اما شهد وعهد كل ما سوو شي ابوي عندهم ياابنت يابنت ككككك

بابا - عهد - شهد - انا

يعني انا على رااااااحتي ولا درى عني بابا اصلا يوم خرجنا يقول يازين انووسة عاااقلة ماشاء الله عليها مو مثلكم انتم ككككككككك

شفتوا المشاااعر والاحاااسيس اللي كانت فينا ما اعرف اووووصفها ابدا

من جد يعني هالشي اللي كنا نشوفه من خلف الشاشات ونسمع عنه ونشوف صور عنه

صرت انا فيه مووووجودة فيه انا والبنات مو مستوعبين ابدا ابدا هالشي الحين احنا فيه

 يعني لما البنات راح يتكلمون عن الحفل وينزلون تقارير وترجمة عن شي احنا كنا موجودات فيه

شي احنا فيه عايشين كل شي صار فيه كل لحظة فيه راح نعرفها كل شي يصير نشوفه بدون اي شاشة بيننا وبينهم

ما بيننا اي حاااااااجز

متصورييين هالشي <---- ما اتوقع لانه انا ما كنت اتصور هالشي الا يوم عشته وجربته ابدا ماكنت اتخيل انه راح اشوووفهم قداامي

تقولون بعييييد يب بس كنت اشوووفهم

قفلوا الاضواء ماتشوفوووون غير العصيء الزرقااء المضييئة اللي الفاان من الحماس قااعدة تترقص قدااام عيوننا

وشووي الا يدخلوووووووووووووووووووووووووون

يممممممممممممممممممممممممممممممممممممممممممممممممه لسه مابدأو

بس قاااعدين نشوووفهم يدخلون قدااامنا في الظلااام ويصطفووون عشان يأدووون

ابدأ الى الان موو قااادرين نستوعب

بدأت SFS وتسلطت الاضواء عليهم

يااااااااااااااااااااااااااااااااااااااااااااااااااااااااااااه

حلم حلم حلم

قاعدين يأدووون أغنية سكسي فري اند سينقل

قداااااااااااااااااام عيوننا

وااااااااااااااااااااااااااااااااااه

واحنااااااا لاول مررره في حيااتنا نجرب احساس الالف اللي يكونون مع السوجو

يوم يصاارخون

يوم يشجعون

يوم يهتفووون

يوم يصفقون

يوم يلوحون بالعصي المضيئة

ايوووووه هالشي سوينااااه كله

كل هالشي سوينااااه في أغنية سكسي فري اند سينقل

ولا بعد قلنا مع كيووونا كيدي هي دو تشوا ليتس قو <---- ونااااسة بصوووت واحد

ومن الحماس ضربت يابانية كانت جالسة جنبي بالعصى من الحماس

قعدت اتعذر منها بالكوري والانقلش والعربي هههههههههههههه

 ورجعت اكمل تشجيع

بعدها بدأ الانترفيو معهم وخبااالهم اللي يسووونه كل شوي انااظر على المسرح مابي اشوف من الشاشة

 عشان اثبت لنفسي اني حاااضرة معهم

وبدأ يلعبون ويقسمون الفريقين فريق القبيح والوسيم

هنااااااااااااا يا إني فطست ضحك على كيووونا ياااربي يسعده يجننننننننننننننن

ما غير يقول ليسونق كنتشاناااا كنتشانااااا هيونق وش فيها اذا كنت قبيح لووووووووووووووول لا تعليق

المهم لعبوا وانبسطوا وانبسطنا معهم

وابوي ماغير يقول وش ذا وين الحفل على باله حفل غناائي مثل السوبر شو

وكل شوي يقول وش ذا والله تهريج ههههههههههههه

ما درى ان هالتهريج ذا يذبحناااااااااااا

قلنا له هذا بس فان ميتينق ماهو حفل

وبعدها صار شي بغيت أرووح أصفق في كل واحد منهم

تخيلووووو وش اللي صار

لعبة نقل الأوراق

انتوا مستوعبين هالشي يصير

اوكي احنا نعرف هالشي انه لعبة عندهم ودايم يسوونه

ونتجنن عليه من الأكشنات اللي تصير فيه

بس

ابوي كان معاااااانااااااااااا

اووووووووووووه

مو قااادرة استرجع الموقف مررره مرعب

الحمدلله ما كنت جااالسة جنبة مررره بعيد عنه

ماايشوفني وانا اناااظرهم

بس قعد يطالع في شهد وعهد ويقول اش اش هالتعبااانين ذووولي

>_<

هنا شهد بغت تبكي وتقووووول غرررررررررريبة أول مررره يسوون هالشي 

طبعا مو أول مره بس يعني تصرررريفة 

المهم وجااء نهاية الحفل ووغنوااااااااااا Someday

هالاغنيتين

Sexy, Free, & Single - Someday

لها معزة خااااااصة في قلوووبنا لاننا شفناااااااااااااهاا لايف يأدووونها قدااامنا

وقعدنا نغني معهم ونشجعهم ونبكي معهم

ويوم خلص الحفل واحنا طالعين 

أبوي كان ماسك شهد وعهد بضحكة وابتساامة !! ويقول تدرون لو إني مكانككم بعد اللي شفته ما اشجعهم 

وهنا شهد قالت غريييييبة أول مره يسووون هالشي مررررة مستغربة عمررررري ماشفتهم يسوونها 

واحنا خاارجين كان وقتها الساعة 11 في الليل

 نزلنا الجبل اللي طلعناااه وكان معنا كثير من الالف نااازلين

بس النزول كان أهون من الطلوع

ورجعنا بمحطة الميترو اللي جينا منه واحنا مثل السكارى نغني ونلوح بالعصي المضيئة

مو مستوووعبين الشي اللي صار

كأنه حلم 

يعتبر اليوم الأول بما انه امس فاتنا وما استفدنا فيه شي بس استكشاف المنطقة اللي كنا فيها